Спецыфіка вырашэння экзістэнцыйнага канфлікту ў творах Ж. П. Сартра і В. Быкава

Abstract

У артыкуле разглядаюцца асаблівасці вырашэння экзістэнцыйнага канфлікту ў творах Ж. П. Сартра і В. Быкава. Матэрыялам паслужылі аднайменныя апавяданні французскага і беларускага пісьменнікаў – «Le mur» / «Сьцяна». Створаныя адпаведна ў 1939 г. і ў 1997 г., гэтыя апавяданні засяроджаны на падобным коле праблем і маюць структурнае падабенства: мастацкую прастору, абагуленага героя, сімвалічнасць. Экзістэнцыйны канфлікт абодвух твораў складае праблема існавання ў безвыходнай сітуацыі. Вырашэнне гэтага канфлікту выразна адрознівае пазіцыі аўтараў. Ж. П. Сартр у адпаведнасці з філасофскай праграмай экзістэнцыялізму прапануе прыняцце сітуацыі і ўсведамленне марнасці ўсіх дзеянняў у сувязі з непазбежнай канчатковай смяротнасцю. В. Быкаў падкрэслівае неабходнасць асобы мужна змагацца з лёсам