Структура рэкламных тэкстаў у мове газеты «Наша Ніва» (1906–1915)

Abstract

Рэклама – асобая сфера масавай камунікацыі са своеасаблівай мовай, якая даследуецца спецыялістамі розных галін гуманітарнай навукі – лінгвістамі, сацыёлагамі, псіхолагамі, эканамістамі і інш. Несумненную навуковую цікавасць выклікае і спецыфіка беларускіх рэкламных тэкстаў. Як і любая моўная з’ява ці лексічная група, мова беларускай рэкламы прайшла пэўныя этапы свайго станаўлення і развіцця. Пачатак працэсу прыпадае на перыяд пачатку ХХ ст., які лічыцца асноватворчым у гісторыі новай беларускай літаратурнай мовы. У артыкуле ажыццяўляецца спроба прааналізаваць моўна-гістарычныя асаблівасці ў галіне беларускай рэкламы, у прыватнасці паказаць характэрныя структурныя рысы рэкламных аб’яў і паведамленняў у мове тагачаснага перыядычнага выдання – газеце «Наша Ніва»