СУЧАСНАЯ БЕЛАРУСКАЯ ПУБЛІЦЫСТЫКА: ЖАНРАВА-ТЭМАТЫЧНАЯ ТРАНСФАРМАЦЫЯ

Abstract

Дыпломная праца складае: 59 старонак, 46 крыніц, 4 дадаткі. Пералік ключавых словаў: ПУБЛІЦЫСТЫКА, ТРАНСФАРМАЦЫЯ, ЖАНРЫ, ДЫФУЗІЯ, КАЛОНКА, БЛОГ, МЕДЫЯ, СМІ. Аб’ект даследавання – жанравая і тэматычная трансфамацыя сучасных публіцыстычных медыятэкстаў. Прадмет даследавання – спецыфічныя рысы публіцыстычнага тэкставання сучасных аўтараў-публіцыстаў, уздзеянне тэндэнцыі сінкрэтычнасці жанраў на палітыку выданняў. Мэта працы: даследаванне аўтарскіх медыятэкстаў у кантэксце тэндэнцый развіцця публіцыстыкі, выяўленне спецыфікі публіцыстыкі ў перыяд інфарматызацыі і мультымедыятызацыі. Метады даследавання: апісальна-аналітычны, дэдуктыўны, выбарка, аналіз, сінтэз. Атрыманыя вынікі і іх навізна: аналіз твораў сучасных публіцыстаў, а таксама тэматычна-жанравыя тэндэнцыі трансфармацыі публіцыстыкі ў кантэксце гістарычных перадумоў і сучаснай карціны свету. Навізна працы заключаецца ў вывучэнні тэматычна-жанравага напаўнення сучасных медыя ў карэляцыі да актуальных тэндэнцый развіцця публіцыстыкі. Галіна магчымага практычнага выкарыстання: дадзеная праца можа быць улічана пры фармаванні праграмы адукацыі журналістаў, а таксама стаць матэрыялам для новых даследаванняў у галіне развіцця сучаснай айчыннай публіцыстыкі. Аўтар працы пацвярджае дакладнасць матэрыялаў і вынікі дыпломнай працы, а таксама самастойнасць яе выканання.