Слуцкая школа як беларускі асветніцкі праект

Abstract

Гісторыя сенняшняй гімназіі №1 г. Слуцка бярэ пачатак ажно ў першай чвэрці 17 стагоддзя, а менавіта ў 1617 годзе, калі Януш VI Радзівіл выдаў грамату аб заснаванні ў Слуцку кальвінісцкай гімназіі. [1, c. 93] Калі дакладна ў ейных сценах прайшлі першыя заняткі, не вядома.Варта зазначыць, што напачатку гэта была не гімназія, а пачатковае вучылішча пры кальвініскім саборы, якое было апісанае як два пакоі з гнілым дахам і печкай ды вокнамі, якія патрабавалі рамонту. Фундаментальны будынак гімназіі быў пабудаваны і адкрыты ўвосень 1630 года, але ўласна гімназія з’явілася раней. У 1625 годзе Хрыштоф Радзівіл, брат Януша VI Радзівіла, выдаў грамату аб заснаванні слуцкай кальвінісцкай гімназіі і вылучэння сродкаў на яе з княжацкіх маенткаў Прошчыцы і Булаховічы.