Рэдагаванне вучэбнай і навуковай літаратуры № УД-S-150

Abstract

Дысцыпліна спецыялізацыі “Рэдагаванне вучэбнай і навуковай літаратуры” мае цесную сувязь з курсам “Методыка літаратурнага рэдагавання” і з'яўляецца яе лагічным працягам, паколькі дапаўняе і развівае звесткі і ідэі, ужо атрыманыя студэнтамі. Паколькі студэнты Інстытута журналістыкі атрымліваюць трывалую моўную падрыхтоўку на працягу двухгадовых курсаў "Беларуская мова", "Руская мова", курса "Стылістыка", паколькі моўныя пытанні аналізуюца ў межах курса “Методыка літаратурнага рэдагавання”, праграма дысцыпліны спецыялізацыі “Рэдагаванне вучэбнай і навуковай літаратуры” засяроджвае асноўную ўвагу на агульных правілах моўнай апрацоўкі рукапісу вучэбнай і навуковай кнігі. У цэнтры ўвагі – спецыфіка рэдактарскай працы на розных этапах падрыхтоўкі вучэбнага і навуковага выдання, якая абумоўлена асаблівасцямі выдавецкай і адукацыйнай сістэмы ў Рэспубліцы Беларусь. Мэтай дысцыпліны “Рэдагаванне вучэбнай і навуковай літаратуры” з'яўляецца азнаямленне студэнтаў са спецыфікай рэдактарскай работы з вучэбнай і навуковай літаратурай, а таксамам забеспячэнне будучых рэдактараў прафесійнай кампетэнцыяй у галіне рэдакцыйна-выдавецкай дзейнасці. Курс будуецца на аснове апошніх дасягненняў у рэдакцыйна-выдавецкай справе, грунтуецца на апошніх набытках тэорыі і практыкі рэдагавання.