МОВА СРОДКАЎ МАСАВАЙ КАМУНІКАЦЫІ Вучэбная праграма ўстановы адукацыі па вучэбнай дысцыпліне для спецыяльнасцей: 6-05 0321 01 Журналістыка 6-05-0321-02 Інфармацыя і камунікацыя; № 3131/б

Abstract

Мэта вучэбнай дысцыпліны – стварэнне ў студэнта цэласнага сістэмнага ўяўлення аб функцыянаванні мовы ў яе стылёвых разнавіднасцях, аб магчымасцях выкарыстання розных моўных сродкаў для максімальна поўнага задавальнення камунікатыўных патрэб журналіста і камунікатара як аўтара і рэдактара. Задачы вучэбнай дысцыпліны: 1)вывучыць спецыфіку вуснага і пісьмовага маўлення ў сродках масавай камунікацыі; 2)разгледзець марфалагічную стратыфікацыю журналісцкіх, PR-тэкстаў, тэкстаў рэкламы; 3)устанавіць лінгвістычныя асаблівасці арганізацыі медыятэксту і вызначыць дарэчнасць выкарыстання ў ім маўленчых канструкцый; 4)ахарактарызаваць інтэрферэнтныя з’явы і вытлумачыць прычыны іх узнікнення ва ўмовах дзяржаўнага білінгвізму; 5)раскрыць функцыянальныя і экспрэсіўныя магчымасці выкарыстання лексічных, лексіка-фразеалагічных і граматычных адзінак у межах кантэксту і цэлага тэксту; 6)прааналізаваць і пракваліфікаваць моўныя сродкі, іх функцыянальны патэнцыял, мэтазгоднасць выкарыстання ў тэкстах радыё, тэлебачання, друку, інтэрнэт-камунікацыі; 7)вызначыць розныя віды моўных памылак.