СТЫЛІСТЫКА Вучэбная праграма ўстаноў адукацыі па вучэбнай дысцыпліне для спецыяльнасці: 6-05-0321-01 Журналістыка: № 3068/б.

Abstract

Стылістыка як вучэбная дысцыпліна вывучаецца ў функцыянальным аспекце на аснове дасягненняў сучаснай лінгвістычнай навукі. Акцэнтуецца ўвага на стылістычнай дыферэнцыяцыі моўных сродкаў, асаблівасцях розных стыляў, перадусім публіцыстычнага і мастацкага, на выяўленчых сродках мовы, моўных нормах і прычынах адхілення ад іх. Вывучэнне стылістыкі дае магчымасць устанавіць аптымальнае выкарыстанне маўленчых сродкаў у залежнасці ад сэнсу выказвання, яго агульнай стылістычнай афарбоўкі і жанравых асаблівасцей, дасканала зразумець лінгвістычную арганізацыю тэксту, сфарміраваць свядомае стаўленне да культуры маўлення. Вывучэнне стылістыкі – адзін з найважнейшых складнікаў агульнамоўнай падрыхтоўкі журналіста. Выпускнік павінен добра разумець стылістычныя асаблівасці моўных адзінак, ведаць сферы і сітуацыі, у якіх яны могуць ужывацца, умець выкарыстоўваць атрыманыя веды падчас стварэння ўласных публіцыстычных тэкстаў. Мэта вучэбнай дысцыпліны «Стылістыка» – забяспечыць атрыманне і засваенне студэнтамі фундаментальных ведаў у галіне стылявых разнавіднасцей мовы і моўных сродкаў для камунікатыўных патрэб журналіста.