Сюжэтна-кампазіцыйныя асаблівасці раманаў Даніэля Кельмана «Слава» і «Тыль»

Abstract

Артыкул прысвечаны сюжэтна-кампазiцыйным асаблiвасцям раманаў Данiэля Кельмана (Daniel Kehlmann, geb. 1975) «Слава» (Ruhm, 2009) і «Тыль» (Tyll, 2017). Выяўлена, што мастацкі метад Д. Кельмана, пазначаны пiсьменнiкам як «ломаны рэалiзм», паўплываў на кампазіцыю і сюжэт яго твораў. Раманы «Слава» i «Тыль» падзеленыя на часткі, якія, на першы погляд, не звязаныя паміж сабой. Адзінства дасягаецца ў раманах рознымі спосабамі. У рамане «Слава» асвятляецца праблема страты чалавекам ідэнтычнасці, што дазваляе закрануць пытанне пра межы рэальнасці і вымыслу. У рамане «Тыль» сувязным элементам з'яўляецца персанаж Тыль Уленшпігель. Запазычаныя з народнай кнігі пра Тыля Уленшпігеля сюжэты пазбаўляюцца камічнасці і атрымліваюць іншае гучанне, удала ўпісваючыся ў раман, прысвечаны Трыццацігадовай вайне. Непрыкметна ўносячы «разломы» ў рэальны свет i сплятаючы гiстарычныя падзеi з выдуманымi, Кельман надае свайму твору элементы «ломанага» рэалізму.