З. Н. Хэрстан і Р. Р. Шырма: афраамерыканскі і беларускі погляд на развіццё нацыянальнай музыкі

Abstract

Мэтай дадзенага артыкула з’яўляецца выяўленне агульнага і адметнага ў падыходах да развіцця стану нацыянальнай музыкі афраамерыканскай пісьменніцы, фалькларысткі і антраполага З. Н. Херстан (Zora Neale Hurston, 1891 – 1960) і беларускага культурнага дзеяча, этнографа і харавога дырыжора Р. Р. Шырмы (1892 – 1978). У выніку даследавання даказана, што навукоўцы надаюць аўтэнтычным спевам сваіх народаў вялікую ролю ў працэсе фарміравання ўласнай і калектыўнай ідэнтычнасці. Шырокая і шматгранная дзейнасць пісьменніцы, фалькларысткі і антраполага накіравана на захаванне афраамерыканскай народнай традыцыі, вывядзенне формаў нацыянальнай экспрэсіі на міжнародную арэну і выкарыстанне фальклорнай спадчыны ў літаратурным працэсе. Беларускі музыказнаўца спрабуе сабраць беларускія песні і папулярызаваць іх шляхам уключэння ў школьную праграму, працуючы з міжнароднымі кампазітарамі. Абое навукоўцаў разглядаюць музыку як функцыянальны элемент нацыянальнай культуры і як неад’емную частку больш шырокага – універсальнага цэлага чалавечага светаадчування.