Расійская дзяржава ў сістэме міжнародных адносін XV–XVII стст. № УД –003/баз.

Abstract

Вывучэнне праблематыкі дадзенага спецыяльнага курса будзе засноўваецца на вялікай дакладнай гістарычнай інфармацыі. Студэнты павінны будуць пазнаць мноства фактаў, пабудаваных на іх аснове тэарэтычных і канцэптуальных высноў. Увогуле, увесь багаты дакладны матэрыял так ці інакш закрынае агульныя вехі гісторыі не толькі Расіі, але і шматлікіх іншых краін, з якімі яна мела адносіны на працягу доўгага часу. Першасным сярод іх выступае Вялікае Княства Літоўскае, стасункі з якім для Вялікага Княства Маскоўскага–Расіі былі найважнейшымі. І ў ва многім відавочная перамога Масквы ў доўгатэрміновай барацьбе за першынство ў аб’яднанні “рускіх зямель” дазволіла ёй стварыць у азначаны час фенаменальную па маштабах і ролі ў міжнародных стасунках дзяржаву – Расію. Не ўсе падобныя факты могуць трактавацца адназначна, не заўсёды высновы гісторыкаў задавальняюць калег і грамадскія сучасныя ўспрыманні міждзяржаўных адносін, нярэдка яны маюць суб’ектыўны характар ці схільны да кан’юнктуры. Таму не трэба здзіўляцца мноству разначытанняў, якія сустракаюцца ў гістарычнай літаратуры. Перад студэнтамі стаіць задача не толькі паглыблення ведаў па абазначанай праблеме, але і дальнейшага развіцця навыкаў даследчага аналізу з’яў у іх узаемаадносінах. Гісторыя знешняй палітыкі дае для гэтага невычэрпныя магчымасці.