ПСАЛМЫ І КАЛЯДКІ Ў ПОЛЬСКАЙ ПАЭЗІІ: ГЕНЕЗІС, ЖАНРАВАЯ І ІДЭЙНА-МАСТАЦКАЯ АДМЕТНАСЦЬ: Дыпломная работа / К.В. БРЫЛЬ; Філалагічны факультэт; Кафедра тэарэтычнага і славянскага літаратуразнаўства; навук. кір.: дацэнт М.М. Хмяльніцкі

Abstract

Аб’ём дыпломнай работы – 68 старонак, 41 крыніца. Ключавыя словы: жанр, польская літаратура, псалом, Псалтыр, пераклад, калядка, традыцыя, біблейскія вобразы. Аб’ект даследавання: перакладныя (“Pieśń IV. Psalmu CXXVI paraphrasis” М. Сэмп-Шажыньскага, псалом 130 у перакладзе Ч. Мілаша) і літаратурныя псалмы (“Dies Irae” Я. Каспровіча, “Psalm powojenny” Б. Ясеньскага, “Psalm” В. Шымборскай, “Psalm codzienności” Т. Новака і інш.), пералажэнні (137 псалом аўтарства Ю. У. Нямцэвіча, К. Уейскага); польскія калядныя песні (“Gospodarska kolęda”, “W żłobie leży”, “Jezus Malusieńki” і інш.), літаратурныя вершы-калядкі (“Bóg się rodzi” Ф. Карпіньскага, “Bóg się rodzi” Г. Эрэнберга, “Кolęda o Wałęsie” і інш.). Мэта даследавання – выявіць генезіс, жанравую і ідэйна-мастацкую адметнасць функцыянавання псалмоў і калядак у польскай паэзіі з улікам сацыякультурнага і літаратурнага кантэксту. Метады даследавання: культурна-гістарычны, сацыялагічны, параўнальна-тыпалагічны, рэцэптыўны з элементамі цэласнага аналізу мастацкага тэксту. Атрыманыя вынікі і іх навізна: у працэсе даследавання былі вызначаны асаблівасці рэцэпцыі і функцыянавання псалмоў і калядак у польскай паэзіі. Пастаяннае развіццё гэтых жанраў дазволіла прааналізаваць спецыфіку іх мастацкага засваення ў розныя перыяды развіцця літаратурнага працэсу, разгледзець функцыянаванне і творчае пераасэнсаванне жанраў на сучасным этапе, прасачыць сувязь творчасці сучасных паэтаў з біблейскай і польскай літаратурнай традыцыяй. Дакладнасць матэрыялаў і вынікаў дыпломнай работы: выкарыстаныя матэрыялы і вынікі дакладныя. Метадалагічная база мае комплексны характар. Даследаванне праведзена з улікам дасягненняў польскага літаратуразнаўства па праблеме, што забяспечвае абгрунтаванасць сфармуляваных у дыпломнай рабоце высноў. Галіна магчымага практычнага прымянення: матэрыялы работы могуць прымяняцца ў далейшых даследаваннях у галіне польскага літаратуразнаўства і вывучэння праблем сучаснай жанралогіі, а таксама могуць быць выкарыстаны пры выкладанні курсу гісторыі польскай літаратуры ў вышэйшых навучальных установах.