Рэц. на кн.: Выкіпел Б., Выкіпелава Т., Карлікава Г., Янышкава І., Бочэк В. Царкоўнаславянская спадчына ў стара-, сярэдня- і новачэшскай мове. Прага : NLN, 2022. 268 с. (на чэш.)

Abstract

Манаграфія з’яўляецца калектыўнай працай, падрыхтаванай навуковымі супрацоўнікамі этымалагічнага аддзялення Інстытута чэшскай мовы Акадэміі навук Чэшскай рэспублікі (Брно). Тэма даследавання была абрана не выпадкова. Пачынаю чы з 1989 г. у аддзяленні вялася работа над выданнем «Этымалагічны слоўнік стараславянскай мовы» («Etymo lo gický slovník jazyka staroslověnského»), якая паспяхова была завершана ў 2022 г. Акрамя таго, годам раней пабачыла свет манаграфія В. Бочка, І. Янышкавай, Г. Карлікавай і Б. Выкіпела «Стараславянская спадчына ў старачэшскай мове» («Staro slo věnské dědictví ve staré češtině»). Рэцэнзуемае выданне з’яўляецца «працягам вышэйзгаданай папярэдняй працы» (с. 6), пра што сведчыць тэматычнае, структурнае і метадалагічнае падабенства, а таксама частковае супадзенне выкарыстанага моўнага матэрыялу. На наш погляд, абодва даследаванні заслугоўваюць увагі, яны шмат у чым сугучныя і ўзаемадапаўняльныя.