Гуманістычныя тэндэнцыі ў навучальна-выхаваўчым працэсе паўночна-амерыканскіх індзейцаў

Abstract

У адказ на змену сацыяльна-эканамічных умоў развіцця чалавецтва, на працэсы глабалізацыі, на ўтварэнне новага тыпу грамадства – інфармацыйнага, змяняюцца і погляды на ролю чалавека ў розных сферах яго дзейнасці. Каб падрыхтаваць прафесійнага спецыяліста, годнага грамадзяніна, шчаслівую гарманічную асобу, паспяховую ў новых умовах, педагогіцы неабходна шукаць найбольш эфектыўныя метады для ажыццяўлення гэтай мэты. У гэтым дачыненні вельмі цікавай з’яўляецца навучальна-выхаваўчая практыка індзейскіх плямёнаў, якая пранесла праз гісторыю гуманістычную скіраванасць і прапанавала шляхі, метады, прыёмы, тэхналогіі, якія могуць вельмі эфектыўна выкарыстоўвацца ў сучаснай педагогіцы па ўсім свеце. У дадзенай працы разглядаюцца метады і падыходы да педагагічнага працэсу менавіта паўночна-амерыканскіх індзейцаў, г.зн., прадстаўнікоў плямёнаў не-еўрапейскага паходжання, продкі якіх жылі на тэрыторыі сучасных ЗША да прыходу белага насельніцтва на кантынент.