Паэтычны анамастыкон у зборніках Я. Сэйферта «Горад у слязах» і «Быць паэтам»

Abstract

У артыкуле разглядаецца паэтычны анамастыкон на прыкладзе першага зборніка «Горад у слязах» і апошняй паэтычнай кнігі «Быць паэтам» чэшскага лаўрэата Нобелеўскай прэміі Я. Сэйферта. Абодва зборнікі былі высока ацэненыя крытыкай за яскравасць і эмацыйнасць кожнага вобразу, што было зроблена пісьменнікам з дапамогай выкарыстання разнастайных онімаў. Мэтай навуковага даследавання з’яўляецца аналіз і падлік тых уласных імёнаў, што былі ўжытыя ў першым і апошнім зборніках, для пацвярджэння творчай адметнасці дадзенага аўтара ў выкарыстанні онімаў у паэтычным тэксце. У артыкуле прыведзена класіфікацыя ўласных імёнаў паводле падзелу, прапанаванага А. В. Суперанскай, а таксама зроблены падлік онімаў.