Рэцэпцыя цыкла К. Томана «Месяцы» ў паэтычным зборніку Я. Сэйферта «Вясна, бывай»

Abstract

У дакладзе параўноўваюцца паэтычны цыкл К. Томана «Месяцы» і зборнік вершаў Я. Сэйферта «Вясна, бывай». Мэтай даследавання з’яўляецца аналіз уздзеяння спадчыны чэшскага дэкадэнта К. Томана на вершы Я. Сэйферта ‒ адзінага чэшскага Нобелеўскага лаўрэата, творчасць якога вызначыла кірунак усяго далейшага развіцця чэшскай літаратуры. На прыкладзе канкрэтнага верша «Сакавік» аналізуюцца мастацкія сродкі, з дапамогай якіх мы можам прасачыць падабенства абодвух зборнікаў на розных узроўнях. Праводзіцца аналіз поглядаў даследчыкаў, якія вывучалі жыццёвы і творчы шлях Я. Сэйферта. Арыгінальнасць і навізна работы заключаецца ў тым, што аналіз і параўнанне твораў цыкла «Месяцы» і зборніка «Вясна, бывай» яшчэ не з’яўляліся прадметам спецыяльнага навуковага вывучэння. Тэарэтычнае і практычнае значэнне даследавання вызначаецца тым, што яно мае вялікае значэнне для развіцця беларускай багемістыкі, паколькі творчая спадчына абодвух чэшскіх пісьменнікаў практычна не вывучалася і не параўноўвалася ў беларускім літаратуразнаўстве. Вынікі работы могуць быць выкарыстаныя ў адукацыйным працэсе для правядзення лекцый і практычных заняткаў па гісторыі чэшскай літаратуры, гісторыі славянскіх літаратур, у выкладанні агульных курсах сусветнай літаратуры, а таксама ў кампаратыўных даследаваннях