Сістэма вобразаў-персанажаў у рамане Катаржыны Тучкавай «Жыткаўскія багіні»

Abstract

У рабоце разглядаецца сістэма вобразаў-персанажаў у творы «Жыткаўскія багіні» аднаго з найбольш паспяховых сучасных літаратараў-раманістаў Чэхіі, Катаржыны Тучкавай. Раман прысвечаны лёсам белакарпацкіх чараўніц, якіх у гэтай мясцовасці называлі «багінямі», а іх знахарскую дзейнасць – «багаваннем». Жыццёвы шлях багінь паказаны праз прызму гісторыі, падчас – жахлівых яе старонак: апісаныя «вядзьмарскія працэсы» ў сярэднявеччы, сакрэтныя даследаванні нацыстаў падчас Другой сусветнай вайны, рэпрэсіі ў пасляваеннай Чэхаславакіі. Раман дастаткова дакументальны, бо пісьменніца абапіраецца на гістарычныя звесткі. Значнае месца займае таксама сацыяльная праблематыка. Арыгінальнасць і навізна даследавання вызначаецца тым, што мы абралі для аналізу твор сучаснай чэшскай літаратуры, якая яшчэ недастаткова вывучаная і інтэрпрэтаваная як чэшскімі, так і айчыннымі літаратуразнаўцамі. Таксама Катаржына Тучкава ўздымае важныя для чэшскага грамадства постасыцыялістычных часоў пытанні і праблемы. Тэарэтычнае і практычнае значэнне нашага даследавання ў тым, што яго вынікі могуць быць скарыстаныя ў межах курса гісторыі славянскіх літаратур на лекцыях і практычных занятках. Важна таксама тое, што мы знаёмім беларускае літаратуразнаўства з імём і творчасцю з іменем і творчасцю знакамітай сучаснай чэшскай пісьменніцы