Беларуская літаратура і культура ХІХ стагоддзя: асаблівасці развіцця і актуальныя пытанні даследавання / І. М. Запрудскі

Abstract

У манаграфіі прадстаўлены асаблівасці гісторыка-літаратурнага працэсу Беларусі ў ХІХ ст., разглядаюцца дыскусійныя пытанні ў біяграфіях і рэцэпцыі творчай спадчыны пісьменнікаў азначанага перыяду. Адметнасць выдання заключаецца ў спалучэнні разнародных і мала даследаваных у літаратуразнаўстве пытанняў з матэрыяламі дадаткаў. Асвятленне ў розных ракурсах тагачаснага літаратурнага працэсу, акалічнасцей творчасці пісьменнікаў грунтуецца на тым, што аналіз любога канкрэтна-гістарычнага вопыту (фактаў штодзённасці, эмоцый, чалавечай суб’ектыўнасці і інш.) не можа знаходзіцца па-за навуковым дыскурсам. Кніга разлічана на выкладчыкаў і студэнтаў філалагічных факультэтаў. Можа быць карыснай спецыялістам-гуманітарыям рознага профілю, а таксама чытачам, якія цікавяцца актуальнымі пытаннямі гісторыі беларускай літаратуры і культуры ХІХ ст.