Героі ў раманах К. Ішэрвуда: ад «камеры» да аўтафікцыянальнасці (на матэрыяле раманаў «Труды і дні містара Норыса», «Бывай, Берлін», «Фіялка Пратэра», «Самотны мужчына»)

Abstract

У працы разглядаюцца асаблівасці стварэння галоўнага героя і другарадных персанажаў у творчасці Крыстафера Ішэрвуда. Мэтай майго даследавання з’яўляецца выяўленне агульных тэндэнцый у стварэнні персанажаў у прозе К. Ішэрвуда. Аб’ектам даследавання з’яўляюцца раманы К. Ішэрвуда «Труды і дні містара Норыса», «Бывай, Берлін», «Фіялка Пратэра», «Самотны мужчына». Прадметам даследавання з’яўляюцца персанажы вышэй азначаных раманаў. У артыкуле даецца характарыстыка персанажаў твораў з пукнту гледжання іх статычнасці ці дынамічнасці, а таксама аналізуецца ступень аўтарскай прысутнасці ў вобразе галоўнага героя. Актуальнасць даследавання абумоўлена літаратуразначымі тэндэнцыямі да пошуку месца аўтара ў схеме «аўтар – тэкст – чытач», аналізу пытанняў дыялагічнасці, поліфанічнасці рамана, інакавасці аўтара ў адносінах да ўласных герояў. Вынікам даследавання з’яўляецца выяўленне дынамікі развіцця галоўнага героя, апісанае з дапамогай канкрэтных нараталагічных катэгорый.