«Ён скарбы т в о р ы ц ь, а не адкрывае»: адметнасці творчага партрэту прафесара В. П. Рагойшы як перакладчыка

Abstract

У артыкуле раскрываецца творчы партрэт В. П. Рагойшы як перакладчыка, выяўляюцца асаблівасці яго мастацкага мышлення, творчага почарку, асноўныя «сакрэты» майстэрства. Падкрэсліваецца шырыня творчага дыяпазону прафесара, яго роля ў развіцці міжславянскіх (асабліва беларуска-украінскіх) узаемасувязей. Пераклады В. П. Рагойшы ўкраінскай літаратурнай класікі, іх увядзенне ў духоўную прастору Беларусі – шчаслівае спалучэнне ўсіх філалагічных талентаў і вялікай працаздольнасці прафесара. Названы пяць асноўных аб’ектыўных тлумачэнняў поспехаў В. П. Рагойшы ў гэтай галіне. Высокі прафесіяналізм перакладчыка прадэманстраваны на прыкладзе перакладу драмы-феерыі «Лясная песня» Лесі Украінкі. В. П. Рагойша ўспрыняў усе адметнасці індывідуальнага стылю Лесі Украінкі, раскрыў і перадаў і думкі, і настроі, і віртуознае майстэрства форматворчасці аўтара «Лясной песні»