Эматыўная прастора паэмы «Мачыха» Адэлі з Устроні

Abstract

У артыкуле прадстаўлена спроба эматыўнага аналізу беларускамоўнай паэмы «Мачыха» пісьменніцы, названай даследчыкамі Адэляй з Устроні. Раскрываецца мэтазгоднасць прымянення тэорыі эматыўнасці ў даследчым інструментарыі працы з творамі ХІХ ст., у прыватнасці, з рамантычнымі творамі, у святле гісторыка-культурнага і сацыяльнага кантэксту, абумоўленага зваротам эмоцый творцы да чытача. Беларуская літаратура таго часу здольная абуджаць пачуцці і заклікаць да дзеяння, у пэўнай ступені, разбураючы ідэю мастацтва дзеля мастацтва. Матэрыялы прэзентуюць наяўныя гіпотэзы ў дачыненні да аўтарства твора, яго ідэйнага зместу, характарызуюць перадачу паэтычнай эмоцыі у тэксце праз сродкі выразнасці, напрыклад, сюжэт, кампазіцыю, сінтаксіс, лексіку і інш.