Гераічныя ідэалы і філасофска-эстэтычныя пошукі ў беларускай літаратуры эпох сярэднявечча, рэнесансу, барока : справаздача аб навукова-даследчай рабоце (заключная) / БДУ ; навуковы кіраўнік І. Э. Багдановіч

Abstract

Аб’екты даследавання – помнікі сярэднявечнай гістарычнай прозы, агіяграфіі і ўрачыстага красамоўства Беларусі, гераічныя і агіяграфічныя паэмы 16–17 стст., помнікі палемічнага пісьменства, гістарычнай і фунеральнай перакладной прозы 17 ст. Мэта даследавання – распрацоўка цэласнай канцэпцыі гераічнага ідэала і філасофска-этычных прыярытэтаў у гісторыі беларускай літаратуры як істотных складнікаў праграмы самазахавання беларускай нацыі. Метадалагічная база даследавання: параўнальна-гістарычны метад, літаратурна-сацыялагічная тэорыя, антрапалагічнае літаратуразнаўства, літаратурная герменеўтыка, тэорыя культурнай памяці. Навуковая навізна атрыманых вынікаў заключаецца ў: – карэкціроўцы навуковых поглядаў на функцыянаванне рэлігійных тэкстаў у часы Сярэднявечча, Рэнесансу і Барока ў беларускай культурнай прасторы; – вызначэнні тэарэтычнай праблемы літаратурнай кананізацыі ў дачыненні да даўняга беларускага пісьменства. У выніку вызначана роля культурнага капіталу, пазіцыянавання аўтара і адукацыйнай парадыгмы ў кніжнай культуры Беларусі часоў Сярэднявечча, Рэнесансу і Барока ў яе сувязях з рознымі культурнымі прасторамі Еўропы. Галіна прымянення вынікаў даследавання – выкладанне гісторыі беларускай літаратуры ў ВНУ Беларусі, далейшыя фундаментальныя распрацоўкі ў галіне літаратуразнаўчай медыявістыкі, стварэнне новага пакалення падручнікаў і дапаможнікаў для студэнтаў ВНУ.