Беларуская і руская мовы як дынамічныя і ўзаемадзеючыя сістэмы : справаздача аб навукова-даследчай рабоце (заключная) / БДУ ; навуковы кіраўнік І. С. Роўда

Abstract

Аб’ектамі даследавання з’яўляюцца беларуская і руская мовы ў сітуацыі дзяржаўнага двухмоўя. Да даследавання прыцягваюцца і іншыя мовы. Мэта праекта – выяўленне асаблівасцей беларускай і рускай моў ў іх сістэмах і функцыянаванні. Асноўныя метады даследавання: супастаўляльна-тыпалагічны, апісальны, параўнальны. У выніку працы рэалізаваны ў дзвюх Міжнародных канферэнцыях, па матэрыялах якіх выдадзены дзве кнігі дакладаў і паведамленняў, іншых канферэнцыях, у 1 падручніку, 52 дапаможніках, 71 артыкуле, 6 кандыдацкіх дысертацыях. У падручніках і дапаможніках рэалізаваны сучасныя падыходы ў навучанні рускай мове. Важным напрамкам даследавання стала высвятленне спецыфікі беларускіх і рускіх семантычных карэлятаў з рознай унутранай формай. Да вывучэння анамастычных феноменаў быў прыцягнуты матэрыял кітайскай і в’етнамскай моў, назіранні над якімі дапамаглі адцяніць лінгвакультурную спецыфіку моў параўнання. У цэнтры ўвагі былі таксама пытанні функцыянавання беларускай і рускай моў у нашай краіне, высвятленне тэндэнцый, якія прасочваюцца ў сродках масавай інфармацыі і мастацкіх тэкстах. Важным напрамкам дзейнасці выканаўцаў тэмы стала вывучэнне пытанняў выкладання рускай мовы ва ўстановах сярэдняй і вышэйшай адукацыі.