Стылістычныя функцыі фразеалагізмаў у мове рамана І. П. Шамякіна «Сэрца на далоні»

Abstract

Артыкул прысвечаны характарыстыцы фразеалагізмаў, выкарыстаных у творы класіка беларускай літаратуры Івана Шамякіна «Сэрца на далоні», паводле стылістычных функцый. У выніку паказана, што найбольшую групу ў творы складаюць фразеалагізмы, якія выконваюць намінатыўную функцыю, найменшую – ацэначную. Раман Івана Шамякіна вельмі багаты на ўстойлівыя адзінкі мовы, пісьменнік выкарыстаў іх творча і арыгінальна, без лішніх паўтораў. Дзякуючы гэтым адзінкам ажыўляецца мова персанажаў, яны набываюць сваю адметнасць не толькі праз паводзіны і ўчынкі, але і праз адносіны да слова, праз здольнасць выкарыстоўваць яго трапна і да месца. У гэтым і праяўляецца сапраўдная глыбіня, прыгажосць, адметнасць, непаўторнасць самога твора і майстэрства аўтара ў выкарыстанні моўных сродкаў