Беларуская мова і традыцыйная духоўная культура: праблемы метадалогіі і лексікаграфічнае апісанне : справаздача аб навукова-даследчай рабоце (заключная) / БДУ ; навуковы кіраўнік А. Л. Садоўская

Abstract

Аб’ектам праведзенага даследавання з’яўляюцца адзінкі беларускай мовы (словы, фразеалагізмы, парэміі, тэксты і інш.) у кантэксце традыцыйнай духоўная культуры, а таксама актуальныя пытанні развіцця беларускай этналінгвістыкі ў кантэксце славяназнаўства. Мэта работы – комплекснае вывучэнне і апісанне аспектаў беларускай этналінгвістыкі, яе метадалагічных рэсурсаў і рэпрэзентацыі арганічнасці выкарыстання этналінгвістычнай метадалогіі для даследавання адзінак беларускай мовы розных узроўняў у кантэксце традыцыйнай духоўнай культуры, у тым ліку і ў супастаўленні іх з матэрыялам іншых моў. У выніку даследавання праведзена комплекснае вывучэнне і апісанне шэрагу аспектаў беларускай этналінгвістыкі і яе метадалагічных рэсурсаў для даследавання адзінак беларускай мовы ў кантэксце традыцыйнай духоўнай культуры: распрацавана методыка даследавання беларускай фразеалогіі як каштоўнага элемента гісторыка-культурнай спадчыны беларускага народа, які валодае высокім лінгвакраіназнаўчым патэнцыялам і рэпрэзентуе непарыўную сувязь мовы і культуры, мовы і грамадства; здзейснена супастаўляльнае даследаванне парэмій вясельнай тэматыкі ў беларускай і італьянскай мовах у аспекце этналінгвістыкі і ўстаноўлена нацыянальна-культурная адметнасць і падабенства традыцыйных уяўленняў беларусаў і італьянцаў пра вяселле, шлюб і сям’ю, адлюстраваных у парэміялагічных адзінках абедзвюх моў; змадэляваны моўныя стэрэатыпы сямейных роляў маці, бацькі і дзіцяці ў дыяхраніі і сінхраніі беларускай лінгвакультуры.