Рецензия на книгу: Citko L. Piśmiennictwo i nazewnictwo starobiałoruskie na ziemiach Wielkiego Ksęstwa Litewskiego. Wybrane problemy. Białystok : Wydaw- nictwo Uniwersytetu w Białymstoku, 2019. 293 s.

Abstract

У кнізе праведзены сістэмны аналіз старабеларускай мовы і анамастыкі перыяду Вялікага Княства Літоўскага на матэрыяле такіх перакладных, лексікаграфічных і летапісных крыніц XV‒XVIII стст., як «Беларускі Трыстан» (манускрыпт XVІ‒XVII стст. з пазнанскага Кодэкса Рачыньскіх, які, дарэчы, дзякуючы намаганням аўтара рэцэнзуемай манаграфіі ў 2018 г. быў выдадзены ў выглядзе факсіміле з далучэннем графічна адаптаванага варыянта, а таксама тлумачэнняў і перакладу на польскую мову), «Лeксис с толкованиeм словeнских мов просто», «Лeксис из слове(н)ского языка» Лаўрэнція Зізанія, «Лeксикон словeноросский и имeн толкованиe» Памвы Бярынды, «Cинонима славeноросская», супрасльскі «Лексікон», Хроніка Быхаўца, гарадзельскія актавыя за пісы. Такім чынам, факталагічная база на ўказаным даследчым полі, раней прадстаўленая пераважна тэкстамі рэлігійнай і прававой аднесенасці, узбагацілася творамі іншай жанравай прыналежнасці і анамастычнымі тэкстамі, што, бясспрэчна, дае магчымасць атрымання новых ведаў і стварэння новых арыгінальных высноў.