Найменні сельскагаспадарчых угоддзяў у гаворцы вёскі Сітнікі Пухавіцкага раёна Мінскай вобласці

Abstract

У артыкуле разглядаецца невялікі фрагмент лакальнай анамастычнай сістэмы: зафіксаваныя ў гаворцы в. Сітнікі Пухавіцкага р-на Мінскай вобласці ўласныя найменні сельскагаспадарчых угоддзяў (у прыватнасці палёў). Актуальнасць даследавання заключаецца ў тым, што онімы лакальных тэрыторый даследаваны недастаткова поўна, а інфармацыя пра іх можа дапамагчы ахарактарызаваць адметнасць беларускай анамастычнай сістэмы праз супастаўленне ўніверсальных і рэгіянальных анамастычных рыс. Праведзены лінгвістычны аналіз сабраных онімаў. Ажыццёўлена семантычная характарыстыка мікратапонімаў, выяўлены асаблівасці семантыкі мясцовай мікратапанімічнай лексікі на рэгіянальным і агульнабеларускім фоне, зроблена параўнанне мясцовай і навуковай этымалагічных версій. Мікратапонімы таксама ахарактарызаваны ў словаўтваральных адносінах, вызначаны вядучыя спосабы іх утварэння і асноўныя прадуктыўныя афіксы.