Жанравыя разнавіднасці інтымнай лірыкі (паводле творчасці М. Танка)

Abstract

У артыкуле ўпершыню разглядаюцца тры жанравыя разнавіднасці інтымнай лірыкі. У сувязі з тым, што інтымная лірыка звычайна разумеецца як сукупнасць вершаў, прысвечаных каханню, з’явілася неабходнасць больш грунтоўна даследаваць яе з мэтай удасканалення самога гэтага паняцця. Звернута ўвага яшчэ на дзве разнавіднасці інтымнай лірыкі на аснове творчасці Максіма Танка і прыведзены падзел жанравай сістэмы на тры падсістэмы: вершы пра маці і сямейныя ўзаемаадносіны, вершы пра дружбу і сяброў, вершы пра каханне. Кожная з іх апісана, прааналізавана і падмацавана прыкладамі. Артыкул дапамагае вызначыць новыя межы інтымнай лірыкі і пашырыць уяўленні пра гэты жанр. Праца можа быць карыснай пры далейшым даследаванні аб’екта, а таксама пры вывучэнні творчасці Максіма Танка.