Аўтарскія культурна-асветніцкія перадачы ў эфіры тэлеканала «Беларусь 3»

Abstract

Артыкул прысвечаны агляду аўтарскага культурна-асветніцкага тэлебачання Беларусі. Абазначаная тэма сёння з’яўляецца мала даследаванай, таму заслугоўвае асабліва пільнай увагі. Аб’ектам праведзенага даследавання сталі аўтарскія перадачы, якія дэманструюцца ў эфіры нацыянальнага культурна-асветніцкага тэлеканала «Беларусь 3». Асноўная мэта працы заключаецца ў тым, каб ацаніць сучасны стан аўтарскага культурна-асветніцкага тэлевяшчання ў краіне, вылучыць найбольш істотныя праблемы ў развіцці дадзенага сегмента, а таксама вызначыць магчымыя шляхі іх вырашэння. Сёння аўтарскае культурна-асветніцкае тэлебачанне Беларусі прадстаўлена невялікім шэрагам праграм і развіта дастаткова слаба. Аднак павышаць яго якасны ўзровень неабходна, бо ад гэтага залежыць імідж нацыянальнага тэлевяшчання. Прыведзены ў артыкуле аналіз эфірнай практыкі тэлеканала «Беларусь 3» можна разглядаць як арыгінальную спробу абагульніць дасягненні айчыннага культурна-асветніцкага эфіру ў стварэнні аўтарскага кантэнту.