Падзелы Рэчы Паспалітай у лёсе беларускага сялянства. № УД-6001/вуч.

Abstract

Вучэбная дысцыпліна «Падзелы Рэчы Паспалітай у лёсе беларускага сялянства» распрацавана для падрыхтоўкі спецыялістаў з вышэйшай адукацыяй першай ступені і прызначана студэнтам, якія атрымліваюць адукацыю па напрамку спецыяльнасці 1-21 03 01-01 Гісторыя (айчынная і ўсеагульная) на гістарычным факультэце Беларускага дзяржаўнага ўніверсітэта. Вучэбная дысцыпліна “Падзелы Рэчы Паспалітай у лёсе беларускага сялянства” належыць да цыкла дысцыплін спецыялізацый і звязана з такой вучэбнай дысцыплінай як «Гісторыя Беларусі». Актуальнасць вывучэння дысцыпліны абумоўленая тым, што у гістарыяграфіі склаўся стэрэатып паказу познефеадальнага сялянства Беларусі толькі як аб'екта эксплуатацыі з боку паноў і, у меншай ступені, адміністрацыйнага самавольства чыноўнікаў. Падрабязна распісаны ўзроўні і формы павіннасцяў, паказана ў сувязі з гэтым нарастанне сацыяльнага напружання ў вёсцы, прыведзены факты сялянскіх выступленняў, якія заўжды заканчваліся непазбежнай расправай над іх удзельнікамі. Але ж жыццё вёскі мела не толькі сацыяльна-эканамічны бок. У ім, хоць у значна меншай ступені, прысутнічаў аспект палітычны, які нарастаў па меры размывання прыгонніцтва і набліжэння грамадства да яго ліквідацыі. Толькі ўсебаковы падыход да асвятлення сялянскага жыцця забяспечвае выхаванне ў навучэнцаў пачуцця годнасці, гонару за сваіх продкаў, якія ў найцяжэйшых умовах сацыяльнага і нацыянальнага прыгнёту забяспечвалі фізічнае і духоўнае выжыванне этнасу і тым самым рыхтавалі грунт для адраджэнскіх працэсаў.