Архівазнаўства. № УД-5744 /вуч.

Abstract

Вучэбная дысцыпліна “Архівазнаўства” прызначана для студэнтаў спецыяльнасці 1-26 02 04 Дакументазнаўства (па напрамках). У вучэбным плане дысцыпліна адносіцца да цыклу дысцыплін спецыяльнай падрыхтоўкі, дзяржаўнага кампанента. Вучэбная праграма адлюстроўвае змест дысцыпліны “Архівазнаўства” і вызначае аб’ём ведаў, які патрабуецца ад студэнтаў. Пры яе распрацоўцы ўлічваўся шамтгадовы вопыт выкладання архівазнаўчых і дакументазнаўчых дысцыплін ў Беларускім дзяржаўным універсітэце, найноўшыя даследаванні і распрацоўкі беларускіх і замежных аўтараў. Мэтай дысцыпліны з’яўляецца фарміраванне ведаў аб станаўленні архіўнай справы на беларускіх землях, эвалюцыі і сучасным стане тэорыі архівазнаўства, методыкі работы з рэтраспектыўнай дакументнай інфармацыяй, што дазволіць працаваць у архіўнай сістэме і арганізоўваць дзейнасць архіўных устаноў розных формаў уласнасці. Задачамі дысцыпліны з’яўляюцца: выпрацаваць уяўленне аб этапах развіцця архіўнай справы на беларускіх землях і сучаснай сістэмы дзяржаўных архіўных устаноў; навучыць арганізоўваць практычную работу па камплектаванні, экспертызе каштоўнасці, навукова-тэхнічнай апрацоўцы і забеспячэнню захаванасці архіўных дакументаў, выкарыстанні рэтраспектыўнай дакументнай інфармацыі на карысць грамадзян, грамадства і дзяржавы; даць уяўленне аб арганізацыйнай структуры і кіраванні архіўнымі ўстановамі; падрыхтаваць студэнтаў да вядзення тэарэтычных і практычных навуковых даследаванняў у сферы архівазнаўства і архіўнай справы. Праграма складзена з улікам міжпрадметных сувязяў з вучэбнымі дысцыплінамі «Крыніцазнаўства», «Дакументазнаўства», «Гісторыя дзяржаўных устаноў», «Архівы арганізацый».