Гістарыяграфія, крыніцы і метады даследавання. Міждысцыплінарны падыход у вывучэнні гісторыі Беларусі. № УД-5042/вуч.

Abstract

Важнай складаючай пры падрыхтоўцы спецыялістаў на другой ступені атрымання вышэйшай адукацыі з’яўляецца засваенне імі асноўных тэарэтычных дасягненняў гістарычнай навукі, авалоданне прынцыпамі апрацоўкі, асэнсавання і сістэматызацыі вучэбнай інфармацыі, набыццё практыкаарыентаваных уменняў. Не менш важнымі для будучых выпускнікоў магістратуры з’яўляюцца ўяўленне аб спецыфіцы відавой класіфікацыі крыніц па гісторыі Беларусі і ўменне працы з разнастайнымі гістарычнымі крыніцамі. Аднак ажыццяўленне гістарыяграфічнага і крыніцавага аналізу немагчыма без ведання сукупнасці метадаў гістарычнага пазнання. У сувязі з гэтым, з мэтай садзейнічання далейшаму прафесійнаму росту студэнтаў магістратуры спецыяльнасці «Айчынная гісторыя», пашырэнню іх поглядаў і ведаў па гісторыі Беларусі прадугледжана выкладанне на другой ступені атрымання адукацыі вучэбнай дысцыпліны «Гістарыяграфія, крыніцы і метады даследавання. Міждысцыплінарны падыход у вывучэнні гісторыі Беларусі».