Структурна-семантычныя асаблівасці вобразных параўнанняў у сучасным беларускім маўленні: эксперыментальнае даследаванне

Abstract

У артыкуле разглядаюцца структурна-семантычныя асаблівасці вобразных параўнанняў, арыентаваных на знешнасць чалавека, у сучасным беларускім маўленні, якія высвятляюцца на аснове праведзенага шматэтапнага псіхалінгвістычнага эксперыменту. У ходзе эксперыменту былі адабраны прыкметы (асновы параўнання), а таксама сабраны корпус ад'ектыўных кампаратыўных словазлучэнняў, арыентаваных на знешнасць чалавека, у межах вызначаных кампратыўна-асацыятыўных палёў. У даследаванні ў якасці прыкладу прыводзіцца структура поля ‘РОСТ ЧАЛАВЕКА’, заснаванага на дзвюх антанімічных прыкметах ‘ВЫСОКІ’ і ‘НЕВЫСОКІ’. У выніку праведзенага аналізу высветліліся, што палі, заснаваныя на згаданых антанімічных прыкметах, маюць пэўныя структурныя адрозненні паводле складу аб’ектаў параўнання, існуюць абмежаванні на спалучальнасць прыметнікаў з пэўнымі аб’ектамі параўнання ў структуры кампаратыўна-асацыятыўнага поля, а таксама назіраюцца адрозненні ў пераважных механізмах фарміравання асацыяцый.