Крыніцы па гісторыі штодзённасці ў архівах Беларусі. № ВД-3203/вуч.

Abstract

Дысцыпліна спецыялізацыі «Крыніцы па гісторыі штодзённасці ў архівах Беларусі» прызначана для студэнтаў, якія навучаюцца па спецыяльнасці 1-23 01 13 Гісторыка-архівазнаўства, адносіцца да цыкла дысцыплін спецыялізацыі (кампанент установы вышэйшай адукацыі). Мэтай дысцыпліны з’яўляецца фарміраванне сістэмных ведаў па складзе архіўных фондаў грамадскіх аб’яднанняў і галіновых устаноў канца XVIII–пачатку ХХ ст. для выкарыстання спецыяльных сістэм іх справаводнай дакументацыі пры правядзенні гістарычных даследаванняў у галіне гісторыі штодзённасці. Задачы дысцыпліны: сфарміраваць уяўленне пра структуру і функцыі згаданых устаноў на грамадска-палітычнай арэне Расійскай імперыі; азнаёміць са складам і інфармацыйным патэнцыялам іх архіўных фондаў; навучыць арганізоўваць практычную дзейнасць па выкарыстанні матэрыялаў дзейнасці грамадскіх і галіновых устаноў; падрыхтаваць да вядзення тэарэтычных і практычных навуковых даследаванняў у галіне архівазнаўства і дакументазнаўства на падставе спецыяльнай справаводнай дакументацыі. Дысцыпліна спецыялізацыі «Крыніцы па гісторыі штодзённасці ў архівах Беларусі» звязана з агульнапрафесійнымі дысцыплінамі, базуецца на ведах, якія атрыманы падчас вывучэння «Архівазнаўства», «Крыніцазнаўства», «Дакументазнаўства» і будзе садзейнічаць засваенню згаданых дысцыплін, а таксама курсу «Гісторыя дзяржаўных устаноў», падрыхтоўцы кваліфікаванага спецыяліста, пашырэнню тэматыкі і павышэнню якасці курсавых і дыпломных работ.