Фалькларыстычныя даследаванні. Кантэкст. Тыпалогія. Сувязі: зб. навук. арт. Вып. 9 / пад нав. рэд. Р. М. Кавалёвай, Т. В. Лук’янавай; уклад.: В. В. Прыемка. – Мінск: Права і эканоміка, 2012.

Abstract

У дзявяты выпуск навуковага зборніка, падрыхтаванага кафедрай тэорыі літаратуры Беларускага дзяржаўнага ўніверсітэта, увайшлі артыкулы, прысвечаныя актуальным праблемам фалькларыстыкі. Аснову выдання склалі выступленні, якія былі агучаны на ХІ Шырмаўскіх чытаннях і на V Рэспубліканскім навукова-метадычным семінары «Праблемы выкладання фальклору, міфалогіі і этналогіі ў ВНУ і іншых навучальных установах», праведзеных на філалагічным факультэце БДУ ў лістападзе 2011 года.. Адрасуецца спецыялістам у галіне фалькларыстыкі, міфалогіі, этналогіі і літаратуразнаўства, студэнтам і магістрантам, а таксама тым, каго цікавяць пошукі сучаснай навукі. У афармленні вокладкі выкарыстана праца мастачкі Яўгеніі Сухаверхавай з «Беларускага календара 2008. Неба і зямля: спевы краю».