Улада і беларускае грамадства ў ХІХ – пачатку ХХ ст. № УД-3099/вуч.

Abstract

Для Беларусі ў ХІХ – пачатку ХХ ст. было ўласціва своеасаблівае спалучэнне розных кампанентаў урадавай палітыкі, якія ўзаемна дапаўнялі адзін аднаго і вызначалі агульны напрамак, а ў канечным выніку – эфектыўнасць урадавых мерапрыемстваў. Мадэрнізацыя і ўніфікацыя як стандартныя асновы сацыяльнай сістэмы Расійскай імперыі, інтэнсіўная русіфікацыя і заўважная актывізацыя нацыянальных працэсаў стваралі ўнікальны сімбіёз на тэрыторыі беларускіх губерняў. Гэтая складаная з’ява стала вынікам пераважна супольнага ўплыву нацыянальна-канфесійнага і сацыяльна-саслоўнага фактараў урадавай палітыкі. Высвятленне канкрэтнага механізму яе фарміравання і ўплыву дазволіць адказаць на многія заблытаныя пытанні гісторыі Беларусі ХІХ – пачатку ХХ ст., у тым ліку на такія, як фарміраванне сучаснай беларускай нацыі, станаўленне элементаў грамадзянскай супольнасці ў Беларусі і інш. Мэтай вучэбнай дысцыпліны спецыялізацыі «Улада і беларускае грамадства ў ХІХ – пачатку ХХ ст.» з’яўляецца вывучэнне спецыфікі форм праяўлення сацыяльнай актыўнасці насельніцтва Беларусі і яго суадносін з уладай у ХІХ – пачатку ХХ ст.