Гісторыя прадпрымальніцтва ў Беларусі. № УД-3033/вуч.

Abstract

«Гісторыя прадпрымальніцтва ў Беларусі» адносна маладая, але вельмі актуальная для сучаснага этапа развіцця нашай краіны дысцыпліна. Доўгі час дадзеная тэма не мела адлюстравання ў айчыннай гістарыяграфіі, паколькі, на думку гісторыкаў папярэдняга пакалення, прадпрымальніцтва і прадпрымальнікі не мелі перспектыў далейшага развіцця. Аднак, з набыццём незалежнасці Рэспублікай Беларусь у пачатку 1990-х гг., станаўленнем дзяржаўнай ідэалогіі і пераходам да рыначнай эканомікі цікавасць да мінулага вопыту і традыцый прадпрымальніцтва на тэрыторыі Беларусі паступова вяртаецца. І такі інтарэс з’яўляецца не безпадстаўным, паколькі любая з’ява мае сваю гісторыю і ўсялякая дзейнасць людзей павінна абапірацца на вопыт мінулых пакаленняў. Да таго ж, толькі заснаваныя на веданні, разуменні, асэнсаванні з’яў, працэсаў, заканамернасцей мінуўшчыны намаганні па развіцці дзяржаўнасці, рэфармаванні сацыяльных і эканамічных адносін могуць быць паспяховымі.