Эканамічная гісторыя Беларусі. № УД-3034/вуч.

Abstract

Сярод гуманітарных дысцыплін, якія актыўна ўплываюць на агульнаадукацыйную і фундаментальную эканамічную падрыхтоўку будучых спецыялістаў у гэтай галіне, істотнае значэнне мае эканамічная гісторыя Беларусі. Дадзеная дысцыпліна не толькі апісвае тыпы эканамічных сістэм ад натуральнай гаспадаркі да сацыяльна арыентаванай рыначнай эканомікі, але і раскрывае механізмы іх самаразвіцця, якія абумоўлены асаблівасцямі эканамічнай палітыкі і шматлікімі фактарамі неэканамічнага характару. Зварот да эканамічнай гісторыі, паглыбленне гістарычных ведаў дыктуюцца не толькі зразумелым інтарэсам да мінулага, але і спробай уявіць, а што ж сёння можна ўзяць на ўзбраенне з нашай далёкай і блізкай гісторыі, якія каштоўнасці, эканамічныя прынцыпы апраўдалі сябе і вытрымалі выпрабаванне часам. Дадзеная дысцыпліна дапамагае сфарміраваць бачанне доўгатэрміновых тэндэнцый эканамічнага развіцця, прывівае здольнасці «аб’ёмнага» ўспрымання сацыяльна-эканамічных працэсаў у іх узаемазалежнасці і ўзаемаабумоўленасці, дазваляе ўвесці студэнта ў кола ведаў, якія складаюць асновы прафесійнай культуры будучага спецыяліста.