Палявая археалогія. № УД-1041/вуч.

Abstract

Праграма вучэбнай дысцыпліны “Палявая археалогія” распрацавана ў адпаведнасці з вучэбным планам гістарычнага факультэта Беларускага дзяржаўнага ўніверсітэта і прызначана для студэнтаў IІІ курса дзённай формы навучання, якія спецыялізуюцца на кафедры археалогіі і спецыяльных гістарычных дысцыплін. Палявая археалогія – комплекс метадаў і прыёмаў пошукаў і вывучэння археалагічных помнікаў, фіксацыі працэсаў даследавання, папярэдняй гістарычна-культурнай інтэрпрэтацыі помнікаў і аб’ектаў, першаснай кансервацыі археалагічных знаходак. Палявыя археалагічныя даследаванні – важнейшы этап дзейнасці археолага-прафесіянала, асноўны спосаб пашырэння крыніцавай базы археалагічнай навукі. Спецыфіка палявых археалагічных прац заключаецца ў тым, што пад час вывучэння помнікі знішчаюцца, і незафіксаваная інфармацыя ўжо ніколі не зможа быць адноўленая. Гэта акалічнасць абумоўлівае неабходнасць высокай метадычнай падрыхтоўкі спецыяліста-археолага. Вучэбная дысцыпліна “Палявая археалогія” накіравана на ўдакладненне і паглыбленне ведаў, атрыманых студэнтамі пры вывучэнні вучэбнай дысцыпліны “Археалогія”. Згаданая дысцыпліна ўваходзіць у цыкл дысцыплін спецыялізацыі.