Дыпламатыя Вялікага Княства Літоўскага ва ўзаемаадносінах Рэчы Паспалітай і Расійскай дзяржавы (1586–1598 гг.) : аўтарэферат дысертацыі на саісканне вучонай ступені кандыдата гістарычных навук : 07.00.15 / Лашкевіч Сяргей Анатольевіч; Беларускі дзяржаўны універсітэт

Abstract

Мэта даследавання – раскрыць сутнасць і асаблівасці дыпламатыі ВКЛ у кантэксце адносін Рэчы Паспалітай і Расійскай дзяржавы ў 1586–1598 гг. Метады даследавання. Тэарэтыка-метадалагічным падмуркам даследавання з’яўляюцца прынцыпы аб’ектыўнасці, гістарызму, сістэмнасці і каштоўнасці ў гісторыі. У працы выкарыстаны агульнанавуковыя метады (абагульненне, аналіз, сінтэз, параўнанне) і спецыяльна-гістарычныя метады (гісторыка-генетычны, гісторыка-параўнальны, гісторыка-тыпалагічны, гісторыка-сістэмны, рэтраспектыўны, лінгвістычны). Атрыманыя вынікі і іх навізна. Праца з’яўляецца першым у беларускай гістарыяграфіі даследаваннем дыпламатыі ВКЛ у кантэксце адносін Рэчы Паспалітай і Расійскай дзяржавы ў канцы XVI ст. Дысертантам прааналізаваны знешнепалітычныя інтарэсы Княства на маскоўскім кірунку падчас трэцяга бескаралеўя ў РП, разгледжаны пазіцыі ВКЛ на перагаворах аб перамір’ях 1587 і 1591 гг., даследавана праблема прадстаўніцтва інтарэсаў Швецыі ў Маскве сіламі дыпламатычнай службы Княства, вызначана знешнепалітычная пазіцыя ВКЛ адносна Масквы ў 1597–1598 гг. Рэкамендацыі па выкарыстанні вынікаў дысертацыі. Вынікі і палажэнні дысертацыі могуць быць выкарыстаны для працягу даследавання дыпламатычнай дзейнасці ВКЛ у XVI–XVIII ст., пры напісанні абагульняльных прац па знешнепалітычнай гісторыі Рэчы Паспалітай і ВКЛ, падрыхтоўцы манаграфій, падручнікаў, навукова-метадычных выданняў, распрацоўцы і чытанні курса лекцый, правядзенні семінарскіх заняткаў па курсах «Гісторыя Беларусі», «Гісторыя знешняй палітыкі Беларусі», «Гісторыя міжнародных адносін», «Асновы дыпламатыі».