Права знешніх адносін Еўрапейскага саюза: Учебная программа УВО по дисциплине для студентов специальности 1-24 01 01 «Международное право», № УД-7075/баз. от 29.05.2012 г.

Abstract

Курс “Права знешніх адносін Еўрапейскага саюза” прысвечаны разгляду комплексу пытанняў міжнароднай дзейнасці Еўрапейскага саюза (ЕС).Дадзеная навучальная праграма з’яўляецца першай праграмай па вызначанай дысцыпліне ў Рэспубліцы Беларусь і мае адмысловае значэннедля Рэспублікі Беларусь, якая мае агульныя межы з ЕС і спецыфічную гісторыю адносін. Неабходнасць гэтага курсу тлумачыцца складанасцю функцыянавання ЕС, спецыфікі яго міжнароднай правасуб’ектнасці і, адпаведна, наяўнасцю праблемных пытанняў, якія з гэтага могуць вынікаць для краін, у тым ліку для Рэспублікі Беларусі, ва ўзаемадачыненнях з ЕС. Сярод такіх праблемных пытанняў можна назваць падзел кампетэнцый у сферы знешніх адносін між ЕС, як суб’ектам міжнароднага права, і яго дзяржавамі-членамі, што можа цягнуць розны прававы рэжым нават у рамках адной міжнароднай дамовы. У той жа час, наяўнасць шэрагу сфер знешніх адносін і рэгіянальных ініцыятыў з удзелам Рэспублікі Беларусь патрабуюць больш грунтоўнага іх вывучэння. Таксама адмысловую цікавасць уяўляюць пытанні спецыфікі ўзаемадачыненняў міжнароднага права і права ЕС.