Сучасная беларуская мова: Электронны вучэбны дапаможнік

Abstract

Прапануемы вучэбны дапаможнік, які прызначаецца студэнтам-філолагам устаноў вышэйшай адукацыі, падрыхтаваны ў адпаведнасці з тыпавой вучэбнай праграмай “Сучасная беларуская мова”: Вучэбная праграма для вышэйшых навучальных устаноў па спецыяльнасцях 1-21 05 01 “Беларуская філалогія” (па напрамках), 1-21 05 04 “Славянская філалогія” (аўтары-складальнікі З. І. Бадзевіч, С. А. Важнік, Г. К. Чахоўскі. Мінск, РІВШ, 2015), зацверджанай Вучэбна-метадычным аб’яднаннем ВНУ Рэспублікі Беларусь па гуманітарнай адукацыі 03.03.2015 года (рэгістрацыйны № ТД-Д. 327/ тып). У дапаможніку адлюстраваны актуальныя дасягненні лінгвістычнай навукі апошніх дзесяцігоддзяў, якія характарызуюцца не толькі з’яўленнем і асэнсаваннем новых фактаў, атрыманых у выніку выкарыстання навуковых метадаў даследавання сучаснай беларускай мовы, але і выпрацоўкай прынцыпова новых падыходаў да апісання яе сістэмы. Сістэма выкладання сучаснай беларускай мовы абумоўлена задачай падрыхтоўкі лінгвіста-прафесіянала, які валодае шырокімі ведамі ў галіне як лінгвістычнай тэорыі, так і сучасных прыкладных кірункаў. Адной з найважнейшых задач падручніка аўтары лічаць аб’ектыўны выклад розных канцэпцый і спосабаў апісання аднаго і таго ж аб’екта, што дазваляе студэнту зрабіць свой аргументаваны выбар. Вучэбны дапаможнік створаны супрацоўнікамі кафедры сучаснай беларускай мовы Беларускага дзяржаўнага ўніверсітэта. Аўтары раздзелаў: З.І. Бадзевіч – “Марфеміка”. “Марфаналогія” “Словаўтварэнне”. “Сінтаксіс”. “Пунктуацыя”; А.Л. Садоўская – “Лексікалогія”, “Лексікаграфія”, “Фразеалогія”; Г.К. Чахоўскі – “Уводзіны”, “Фанетыка”, “Фаналогія” “Арфаэпія”, “Графіка”, “Арфаграфія”, “Марфалогія”.