Эвалюцыя парламенцкай сістэмы ВКЛ у XIV–XVIII стст. Спецыяльны курс. № УД-743/р.

Abstract

Вывучэнне традыцый парламентарызму Вялікага Княства Літоўскага (ВКЛ) і Рэчы Паспалітай надзвычай важнае для ўсебаковага адлюстравання сацыяльна-палітычнага жыцця на беларускіх землях у XIV–XVIII стст. Без аналізу дадзенай праблематыкі немагчыма даць дэталёвую характарыстыку дзяржаўнага ладу і палітычнай сістэмы ВКЛ. Разгляд тых пытанняў, якія ўздымаліся на розных узроўнях парламенцкай сістэмы дазваляе выявіць дадатковы матэрыял для даследавання гісторыі цэнтральных інстытутаў улады, агульнадзяржаўнай і лакальнай палітычнай эліты, сацыяльна-эканамічных і этна-культурных працэсаў, канфесійных дачыненняў. Тэма спецкурса, безумоўна, набывае актуальнасць ва ўмовах росту зацікаўленасці вывучэннем парламентарызму ВКЛ і Рэчы Паспалітай у гістарычнай навуцы суседніх краін, перадусім Польшчы і Літвы. Актуальнай з’яўляецца і неабходнасць выкарыстання гістарычнага вопыту ў сучасным дзяржаўным будаўніцтве. Такім чынам, спецкурс “Эвалюцыя парламенцкай сістэмы Вялікага Княства Літоўскага ў XIV–XVIII стст.” займае важнае месца ў прафесійнай падрыхтоўцы студэнтаў на кафедры гісторыі Беларусі старажытнага часу і сярэдніх вякоў.