Асаблівасці аховы помнікаў архітэктуры на на тэрыторыях Беларусі, пацярпелых ад радыяцыйнага забруджвання : магістэрская дысертацыя / Цімчанка Віялета Уладзміраўна; БДУ, Гістарычны факультэт, Кафедра этналогіі, музеялогіі і гісторыі мастацтваў; навук. кір. дацэнт Міхайлец М. А.

Abstract

Тэма прадстаўляе тэарэтычны і практычны інтарэс, бо на сённяшні дзень праблема рэстаўрацыі і аднаўлення помнікаў архітэктуры, якія ў будучым стануць турыстычнымі і культурнымі аб’ектамі, з’яўляецца актуальнай для Беларусі, асабліва для ўсходняй яе часткі, дзе адчуваецца недахоп падобных помнікаў. Статус забруджаных радыяцыяй зямель накладае пэўныя абмежаванні на іх выкарыстанне, таму першачарговай задачай становіцца менавіта захаванне помніка для будучых часоў. Заканадаўства адыгрывае галоўную ролю ў вызначэнні мерапрыемстваў па ахове культурных аб’ектаў. Навізна тэмы заключаецца ў тым, што ўпершыню робіцца спроба даць ацэнку стану аб’ектаў, якія знаходзяцца на пацярпелых ад радыяцыйнага забруджвання тэрыторыях, і вызначыць перспектывы іх далейшага выкарыстання. Аб’ект даследвання – помнікі архітэктуры на тэрыторыях Беларусі, пацярпелых ад радыяцыйнага забруджвання. Прадмет – асаблівасці аховы і выкарыстання палацава-паркавага ансамбля Герардаў у вёсцы Дзям’янкі Добрушскага раёна і палацава-паркавага ансамбля Халецкіх і Войніч-Сенажэцкіх у в. Хальч Веткаўскага раёна Гомельскай вобласці. Мэта дадзенага даследвання – выявіць асаблівасці аховы помнікаў архітэктуры на тэрыторыях Беларусі, пацярпелых ад радыяцыйнага забруджвання, на прыкладзе палаца Герардаў і сядзібы Халецкіх.