Палітычныя эліты ўсходнебеларускіх зямель Вялікага Княства Літоўскага ў сітуацыі памежжа (1569 – 1606 гг.) : справаздача аб навукова-даследчай рабоце (заключная) / БДУ ; навуковы кіраўнік У. А. Падалінскі

Abstract

Аб’ектам даследавання з’яўляюцца шляхецкія супольнасці ўсходніх рэгіёнаў Вялікага Княства Літоўскага, якія знаходзіліся на памежжы з Маскоўскай дзяржавай. Мэта даследавання – правядзенне комплекснага вывучэння персанальнага, сацыяльнага, канфесійнага, этнічнага складу палітычных эліт усходніх зямель Вялікага Княства Літоўскага ў 1569 – 1606 гг., іх дзейнасці і трансфармацый ва ўмовах дзяржаўнага і цывілізацыйнага памежжа. Асноўныя метадыі даследавання: тыпалагічнага і структурна-функцыянальнага аналізу, рэтраспекцыі, гісторыка-генетычны і параўнаўча-гістарычны. У выніку праведзенай работы вызначаны персанальны склад палітычных эліт усходнебеларускіх зямель ВКЛ, прааналізаваны іх сацыяльны склад, этнічнае паходжанне і канфесійная прыналежнасць; выяўлены асаблівасці сацыяльна-палітычнай дзейнасці мясцовых эліт ва ўмовах памежжа. Праведзены прасапаграфічны аналіз з’яўляецца асновай для далейшага вывучэння эвалюцыі лакальных палітычных эліт, а таксама больш поўнай характарыстыкі дзяржаўнага ладу ВКЛ. Вынік працы выкарыстоўваюцца ў вучэбна-метадычнай і навуковай рабоце гістарычнага факультэта Беларускага дзяржаўнага ўніверсітэта.