Беларуская літаратура XI–XIX стст. у міжкультурнай камунікацыі еўрапейскіх літаратур : справаздача аб навукова--даследчай рабоце (заключная) / БДУ ; навуковы кіраўнік А. І. Бельскі

Abstract

Аб’ектамі даследавання з’яўляліся асэнсаванне літаратуры Беларусі ХІ—ХІХ стст. у кантэксце міжкультурнай камунікацыі і ўзаемадзеяння еўрапейскіх літаратур. Беларуская літаратура ХІ—ХІХ стст. разглядаецца як дынамічная сістэма на ўсіх этапах гістарычнага развіцця, пры гэтым аналізуюцца ідэйныя феномены і мастацкія з’явы, якія звязаны з гістарычнай свядомасцю, працэсамі станаўлення і эвалюцыі нацыянальнай ідэнтычнасці, гуманістычнага светапогляду, фарміраваннем эстэтычных і маральных ідэалаў. Мэты праведзенай НДР – асэнсаванне гістарычнага вопыту міжкультурнай камунікацыі ў Беларусі на матэрыяле полілінгвістычнай літаратуры ХІ—ХІХ стст. і ў кантэксце літаратурнага працэсу ХХ ст., увядзенне ў навуковы ўжытак тэкстаў невядомых твораў ХІ—ХІХ стст. Метадалагічнай асновай даследавання з’яўляюцца наступныя метады: гісторыка-культурны, тыпалагічны, параўнальны, біяграфічны, герменеўтычны, структурна-аналітычны, тэксталагічны, кантэкстуальнага аналізу. Вынік НДР – даследаванне ідэйна-канцэптуальных асноў і спецыфікі беларускага гісторыка-літаратурнага працэсу, якое дазволіла выявіць генетычныя літаратурныя сувязі і ўзаемадачыненні, міжславянскія літаратурныя ўзаемаўплывы, фактары і факты міжеўрапейскага культурнага ўзаемадзеяння, паказаць своеасаблівасць станаўлення і развіцця ідэйна-творчых традыцый, мастацкіх сістэм на працягу ХІ—ХІХ стст.; манаграфіі, вучэбныя і вучэбна-метадычныя дапаможнікі, навуковыя зборнікі і артыкулы.