Да пытання аб стане гістарыяграфіі гісторыі Беларусі ў сістэме вышэйшай школы

Abstract

Сучасная сістэма падрыхтоўкі гісторыкаў не здолела стварыць ніводнага падручніка і нават дапаможніка па гістарыяграфіі гісторыі Беларусі ў сістэме вышэйшай школы. Парадаксальнасць сітуацыі дапаўняе адсутнасць базавай праграмы па дысцыпліне. У выкладанні курса не вызначана прадметная тэрміналогія, існуе “разрыў” гістарыяграфіі як навукі і вучэбнай дысцыпліны. Наступная праблема звязана з перыядызацыяй гістарыяграфіі гісторыі Беларусі, якая не прымаецца шэрагам прадстаўнікоў беларускай гістарыяграфіі. Паспяховасць вырашэння азначаных пытанняў у значнай меры залежыць ад цэлага комплекса мерапрыемстваў з боку Міністэрства адукацыі РБ, а таксама намаганняў адпаведных кафедр. Вызначальным крокам у рэалізацыі структурна-змястоўнай мадэлі падрыхтоўкі гісторыкаў павінен стаць стандартызаваны сучасны метадалагічна і метадычна адукацыйны працэс.