Эвалюцыя парламенцкай сістэмы ВКЛ у XIV–XVIII стст. Спецыяльны курс. № УД-768/р.

Abstract

Мэтай спецкурса з’яўляецца комплексны аналіз парламенцкай сістэмы ВКЛ з XIV па XVIII ст. Для дасягнення дадзенай мэты неабходна разгледзець зараджэнне парламентарызму на землях Беларусі і Літвы, яго станаўленне і далейшае развіццё. Робіцца аналіз месца прадстаўнічых органаў у структуры ўладных інстытутаў ВКЛ і Рэчы Паспалітай на працягу ўсяго вывучаемага перыяду. Праводзіцца даследаванне структуры органаў шляхецкага прадстаўніцтва ВКЛ на ўсіх узроўнях. Важнай задачай з’яўляецца і разгляд усіх аспектаў функцыянавання сойма, яго складу і кампетэнцыі. Вызначаецца месца і роля ВКЛ у працэсах развіцця і дзейнасці сойма Рэчы Паспалітай. Даецца характарыстыка персанальнага складу прадстаўніцтва ВКЛ на соймах супольнай дзяржавы. Звяртаецца ўвага на агульныя і адметныя традыцыі ў развіцці парламенцкіх сістэм ВКЛ, пазней Рэчы Паспалітай, і іншых краін Еўропы.