Медыярыторыка № УД-S-133/р.

Abstract

Выкладанне дысцыпліны “Медыярыторыка” забяспечвае асэнсаванне студэнтамі моўнай арганізацыі прамовы з гледжання інтра- і экстралінгвістычнай сутнасці і магчымасцей яго рытарычнай апрацоўкі. Вывучэнне дысцыпліны дазваляе ажыццявіць прынцып узаемазвязанасці і ўзаемаабумоўленасці працы над тэкстам прамовы. Тэарэтычны матэрыял згрупаваны па асноўных блоках, у якіх падаюцца агульныя і прыватныя характарыстыкі антычнай рыторыкі, вывучаюцца тыпалогія рытатычнага ідэалу і лагасфера СМІ, рытарычныя стратэгіі і тактыкі, рытарычныя статусы тэкставай дзейнасці журналіста (прызначанасць для масавай аўдыторыі, аператыўнасць, перыядычнасць і рэгулярнасць, дубліраванне і валентнасць зместу, калектыўнае аўтарства, інтэртэкстуальнасць), практычны матэрыял базуецца на разглядзе журналісцкіх (у тым ліку ўласных) матэрыялаў і аналізе класічных твораў. Дысцыпліна “Медыярыторыка” вывучаецца студэнтамі пасля таго, як яны атрымалі базавыя веды па дысцыплінах “Сучасная беларуская мова”, “Сучасная руская мова”, “Стылістыка”, “Літаратурнае рэдагаванне”; яна становіцца грунтоўным падмуркам для вывучэння журналісцкага і камунікацыйнага працэсаў. У аснове навучання – максімальная індывідуалізацыя заданняў, дэталёвы кантроль і аналіз прац студэнтаў, падрабязныя кансультацыі па ўсіх пытаннях араторыі. Мэта курса – авалоданне майстэрствам пераканання, накіраванага на пошук ісціны, і ўдасканаленне ўменняў наладжваць камунікатыўны кантакт з аўдыторыяй падчас выступлення.