Рэдагаванне старажытных рукапісаў № УД-S-154/р.

Abstract

Дысцыпліна “Рэдагаванне старажытных рукапісаў” з’яўляецца часткай пашыранага спецкурса “Тэкст: лінгвістычная арганізацыя і рэдагаванне”, які выкладаецца студэнтам ІІІ курса спецыяльнасці 1-23 01 10-02 “Літаратурная работа (рэдагаванне)” у 6-м навучальным семестры, і ўваходзіць у цыкл агульнапрафесійных і спецыяльных дысцыплін. Вывучэнне прадмета грунтуецца на ведах і ўменнях, атрыманых студэнтамі па дысцыплінах “Асновы творчай дзейнасці рэдактара”, “Методыка літаратурнага рэдагавання”, “Тэксталогія”, “Гісторыя Беларусі”, “Беларуская літаратура (старажытны перыяд)” і інш. “Рэдагаванне старажытных рукапісаў” дазваляе будучым спецыялістам усвядоміць гістарычныя карані рэдагавання і рэдактарскай дзейнасці на Беларусі, сістэматызаваць веды па творчых набытках стваральнікаў рукапіснай і друкаванай кнігі, замацаваць прыёмы і метады працы з тэкставым матэрыялам. Мэтай спецкурса “Рэдагаванне старажытных рукапісаў” з’яўляецца прафесійна арыентаванае засваенне методыкі рэдагавання старажытных рукапісаў на падставе аналізу зафіксаваных у іх правак, зробленых стваральнікамі, перапісчыкамі або выдаўцамі.