V Міжнародная навуковая канферэнцыя «Актуальныя праблемы паланістыкі»

Abstract

5 чэрвеня 2009 г. на філалагічным факультэце Беларускага дзяржаўнага універсітэта прайшла V Міжнародная навуковая канферэнцыя «Актуальныя праблемы паланістыкі». Значная частка дакладаў была прысвечана польска-беларускім моўным, культурным і гістарычным узаемаадносінам: адаптацыі польскіх зычных у паланізмах старабеларускіх помнікаў, лацінскім запазычанням у польскамоўных тэстаментах на Беларусі, польскай анамастыцы ў беларускіх перакладах, перцэпцыі твораў беларускай літаратуры ў Польшчы («Асаблівасці перцэпцыі “Тутэйшых” Янкі Купалы ў польскім культурным кантэксце» Д.Ф. Клябанава), польскім даследчыкам гісторыі і культуры Беларусі («Унёсак польскіх даследчыкаў у вывучэнне дзейнасці Магілёўскай і Мінскай рымска-каталіцкіх кансісторый» З.В. Антановіч, «Вывучэнне сацыяльнай культуры беларускага Палесся польскімі этнолагамі ў 1920-я гады» І.У. Алюнінай).